“جيوش الحزن” قصيدة للشاعر ظافرالأحبابي

واحزني اللي كل ماقلت انا خف
قامت على صدري تزاحم صفوفه
***
جتني جيوش الحزن صف(ن) ورا صف
والقلب يشكي جور حزنه وخوفه
***
والدمع يذرف كل ماقلت انا جف
على الذي ما بالخلايق وصوفه
***
اللي عن الزلات والناقصه عف
وبالجود للمحتاج تندى كفوفه
***
في خافقي هم(ن) يسف الحشا سف
وعلي من فقد السنافي كلوفه
***
وعليه قلبي بين الاضلاع مختف
واحزان(ن) قلبي عقب فقده تلوفه
***
لاشفت بعض اغراضه اضفها ضف
من زود حبي له وزود المروفه
***
لفتني الدنيا على شفها لف
و جار الزمان وعاكستني ظروفه
***
وصفقت من فرقاه كف(ن)على كف
اللي غمرني في جميل معروفه
***
وعقبه على المسيار ماعاد لي شف
راح الذي شفي يوافق شفوفه
***
وتحيرت رجلي وانا ادفها دف
ولابي على بعض الاماكن حسوفه
***
طاري الفرح عن دنيتي غيب وهف
والضحك عقبه صار عندي طروفه
***
والمدح من عقبه وضعته على الرف
واللي زعل باقول جعله ذلوفه
***
شاعرابوظبي
المهندس/ ظافرالاحبابي