ابن جمان يرثي الفيصل

يا كثر ماضمت ثرا العود الأبطال
وموت الوطن ياسعود منهو يضمه
موتت سعود هزت جبال ورجال
وابو فهد ثابت يقود المهمه
زاد الالم بالقلب وأثر على الحال
والجرح يقطر دم من زود همه
تسهر جفون العين من كبر الاهوال
ما كنها تبصر لكبر المطمه
تنفك من صدري على كل موال
والانفاس معها كل حرف ن تهمه
جانا الخبر والروح من وقعه أوصال
تشهق وتزفر والفرح ما تشمه
ابلا مشاعر نكتب شعور مازال
دون الهواء ولا العنا في متمه
مال للخواطر خاطر ن تشرح البال
ما كن لها فالحال مذهب وذمه
ان مات قرص الشمس لليل سربال
ويقفاه موت النجم مع كل غمه
ما مات من ناضل مع بيض الأفعال
وأهدى الوطن وقفاته بكل قمه
ما مات تاريخه مع طيب الاعمال
مامات من ذكره سوأة الأئمة
ما مات منهو قدوه لكل الأجيال
لأهل البشوت ولا بسين الاعمه
ناصر آل جمان