قصيدة للشاعر علي بن حمران

ياصاحبي ليش بالجفوی تجازيني =ويش السبب يارفيق الضيق وش صابك
زعلك يصعب علي ورضاك يرضيني=لأنك رفيقي ولا ابغی الضر ينتابك
ياصاحبي لك زمان غبت عن عيني=ركبت مركب غرور النفس واقفا بك
للعيد فرحه وفيه الناس فرحيني=وكل يزاور رفيقه وانت وش نابك
جلست في البيت اقول الحين بيجيني =وانت الأمل في نهار العيد ماجابك
تبي تعايد علي والا انت ناسيني=والا ايش عذرك معي وش سبب اغيابك
العيد سنه تعايدني وتاتيني =وان كنت زعلان منا نقبل اعتابك
وأتي وازورك ولو قد كنت جافيني=ياصاحب الخيرلاتزعل من اصحابك
طاوعت ناس لدرب الحق غاويني =وسكرت من دوننا يالصاحب ابوابك
قدلك زمانين زعل ماتحاكيني =وان كان هاذي الصداقة ويش نبغابك
فما اقول ياصاحبي من مالك اعطيني =اقول لا شفتني لاتفتل اشنابك
المشكل انك من الاصحاب الادنيني =هاذي هي المشكله واحنا ابتلشنا بك
فان كنت رفيق صادق وانت تغليني =وتحسب حسابي مثل ما انا احسب احسابك
فأعرف طريق القدا واخس الشياطيني= وواصل رفيقك ولاتزعل من احبابك
علي بن حمران