كحل القلم سيّل خدود البياضي

اخر سكون الليل والقلب هاضي
فكري تنقاها على جزل الالفاض
رعا الوفا والعز حاضر وماضي
محبته بالروح و الود فياض
للحسد والا الحقد ماهو بفاضي
اللي يخم القلب عن كل الامراض
عزم المعرفه قوتي و انتهاضي
ولا الجهاله صوتها تحت الانقاض
كحل القلم سيل خدود البياضي
العين تسهر يكفي العين غماض
ياليت للاشعار حاكم وقاضي
ما تستغل لاجل المصالح و الاغراض
احارب الباطل واقول اعتراضي
والقلب ناصح روض الحرف رواض
ما كل شاعر في المواجيب حاضي
لو هو يوصف فالمعارك ولا خاض
ماجيت ادور في سؤالي مقاضي
يكود من حال العرب حيل مغتاض
طال الزمن والخوف من الانقراضي
من زود هدر ادميها وسط الأحواض
ياخوفتي هالامر صار افتراضي
الذل يغشاهم قبل هتك الأعراض
ماحد خذا من ذلهم الاتعاضي
حتى غدا المقروض في حكم قراض
الجو يا لأصحاب بالشر لاضي
والسيل من رؤوس البراكين قد فاض
ماعاد فيها حكم يجيب التراضي
مادام لمع سيوفها ما بعد ناض
دام الليالي تاليتها المخاضي
الحق نوره لاظلم الكذب دحاض
ناصر آل جمان