قصيده للشاعر محمد الذيابي - نطق بالحكمة والنصيحة والعِبره

يا صاحبي حبل الصداقة جوده و إلا بدون
ما فيه داعي للعتب من باع شيٍٍٍ ما شراه
أنا رفيق الطيب إللي للصداقة ما يخون
و إلا الردي ما كنت مستغرب ولا جاهل رداه
أكرمْ كريماً تملكه بالطيب فالشدة يعون
واحذر لئيماً تكرمه يطاولك شره و أذاه
يا صاحبي قبل أمس وأمس تمون ولا ما تمون
كم صاحبٍٍ يخذلك لا احتجته ويصفق في يديه
بعدين ما فكرت بكرة وين رايحٍ وش تكون ؟
يا هيه بالله بسألك وشهو طموحك فالحياة
منهو يقول إن العما من لا يشوفك بالعيون
إللي عمى قلب وبصيرة ما عرف حتى عماه
أقولها عاقل وقول الشعر شي من الجنون
أما ارتويت من أعذبه يا علني مروي ظماه
والناس خلق الله خلقها من ظهور ومن بطون
أحدٍ بنا له بيت واحدٍ ينهدم بيت بناه
ويلي تناظر للسماء وتخيل براق المزون
عيني تشوف إلي تشوف وخل عكس الإتجاه
ويا كثرهم من يدعون ويدعون ويدعون
إبداعهم والناس ما يخفاهم البير وغطاه
ويا كثرهم من يكتبون وقل منهم يبدعون
ما عاد تفرق شاعرٍ يكسر قصيدة لقراه