قصيدة وطنية للشاعر سعيد بن سعد الزهيري

هذه القصيدة بمناسبة حفل تخرج منسوبي كلية الملك فهد من الضباط الجامعيين من قبيلة قحطان والمقام في قاعة اليخت بمدينة الرياض يوم الاربعاء الموافق 14/6/1434 للشاعر/ سعيد بن سعد الزهيري القحطاني –أبو حسان
يا الله يا المعتلي يا العالم الهادي=تعز دينك وتحمي الدار وجنوده
والحمد لله علينا بالنعم جاد=والرب لي جاد حنا نجود من جوده
وصلاة ربي عدد ماحن رعادي=وعداد ماهل مزن وذعذعت نوده
على شفيع الخلائق يوم ميعاد=أدى الرسالة وبلغ أمر معبوده
ومن بعدها جال في صدري تنهاد= وبدعت قافية بالحيل مشدودة
كل المعاني لها مصدر وميراد=وكل يغني على همه ومقصوده
فسلام تسليمة بالفل والكاد=تحية تدحر الشيطان وتكوده
مبروك جند الوطن ر ضباط وافرادي= انثر عليكم زهور الفخر ووروده
ومبروك يا لداخلية زود اﻻعدادي=اعداد ماهي طبيعية ومحدودة
اعداد من راس عود يعرف القادي=العود فايد وهذا الفود من فوده
ضباط جابوا وحازوا كل اﻻمجاد= اعلى المقاييس واﻻتقان والجودة
قحطان تاريخها بالعز يزداد =ودون الوطن والله ﻻ منة و ﻻ جودة
في رقابنا بيعة من عهد اﻻجدادي=لله ثم الملك والدار وحدوده
حنا نحب الوطن ، من دونه نفادي=محبة في صميم القلب ملحودة
ونحول دونه ونعلن دونه جهادي=وترخص له الروح والأعمار معدودة
و ﻻ نخون العهد في سلم وطرادي= الله يسلط على اللي ينقض عهوده
حضورنا لي حضرنا ما هو بعادي= في الحقو جنبية وفي الجنب بارودة
و لما زهمنا ولي اﻻمر نقادي=نمشي تحت رايته ونشيل بعضوده
هذا وطنا ما منه اليوم منشادي=اﻻسرة المالكة تحميه وتقوده
ال السعود تحدى كل حساد=وجهودهم واضحة ماهي بمجحودة
وشعب السعودية أوفى شعب بمرادي=له وقفة راسية ما هي بمهدودة
ودار السعودية أغلى دار بفؤادي= هذي تواصيفها بأحداث مشهودة
لما بغينا الربيع فنجد اﻻجوادي= ولما بغينا البراد نروح للسودة
ولما بغينا السواحل والبحر هادي= سواحل الشرق و ﻻ الغرب معهودة
ولما بغينا القنص وبعير وشدادي=فالحفر وام الجماجم صوب سامودة
والضيف يقلط على دلة وبرادي= والعود اﻻزرق جاويه وكمبوده
وبعدها ما تيسر له من الزاد=كل يوسع على ضيفه بماجوده
فيا للي على المملكة جاسوس ومعادي=ما تمشي ، تقول غلطة غير مقصودة
قالوا باﻻمثال إن الظالم البادي=بديتها وانتبه بتجيك مردودة
تذيعك التلفزة ويذيعك الرادي=عهدة تسجل وعليك تصير مجرودة
يا زمرة حدها الشيطان حدحادي= شرذمة من بلاد الفرس مسنودة
تبشر بحكم يشافي غل اﻻكبادي= شرع الله نطبقه بكامل بنوده
اللي على موطنه خائن ونقادي=جعله يولي عسى روحة بلا عودة
ﻻ يا شباب الوطن يا عز وسنادي= انتم سواعد وطنا اليوم وزنوده
ﻻ احد يقول آمن ، وبأكبر وسادي=تبقى كلمات نايف دوم موجودة
قال الكلمات اﻻربع مير ما زادي=رجل اﻻمن اﻻول مواطن ، بمجهوده
ما نحقر الشي مهما قل او زادي=نبذل له الجهد واﻻمال معقودة
الفار في سد مارب جاب اﻻعيادي= واغلى خيوط الحرير تصنعه دودة
قلت اربعينية ما حدها حادي= بالصدق مقرونة وبالعز مرفودة
وختامها نتجه لله وننادي=يا الله تجعل عواقب اﻻمر محمودة