يا رب ارحم ملكنا قايد الأمة

يا ربي ارحم ملكنا قايد الأمة
بالجنه اللي هواها الطيب والكادي
واجب عز اللي دموعه كنها الغمّة
على فهدنا مصدر كل ورادي
يا عزوة اللي يعقد الحبل ويفله
الله يحسن عزاكم في قمر حادي
له فزعة لا تنهض تبري العله
يحل صعباتها ويفك الاعقادي
رجع كويت عليه النفس مهتمة
يومه هجده العراق بقوم وجهادي
هو خادم البيت وأيضاً خادم الأمة
له منجزات عليهم ما لها اعدادي
كل الوصوف الجميله فيه يرثنه
مكه وطيبه بكن يا سيّد بلادي
وكل المعونات يبكنه وينعنه
والصحف اللي نسخته يرشد الغادي
يبيع روحه لشعبه طيب الذمة
أنا أشهد أنه وفي عسر الأكبادي
اربع وعشرين عام شايل همه
ما ذاق حلو الكرى والناس رقادي
يا الفهد شعبك تلاحوا جالهم حنه
حنين خلج تحن حوارها غادي
طيبك مغطي على خليجنا كله
مثل المطر ضافي سيله على الوادي
كل القصايد لحبه وجهت يمه
في الشيخ ترجم شعوره كل قصادي
عساك في جنة الفردوس في ضله
واللي ورده النبي لك فيه ميرادي
يا رب ثبته في قبره على المله
وعز الملوك الكبار وعز الأحفادي
يا مالك الشعب نعطيك الولاد كله
تأخذ بقا اللي ترحل نسل الأجوادي
والله يعينك لشعبك تبري الذمه
على الشريعة وتمشي درب الارشادي
سعودية في كبير الشور ملتمه
لمة على شملها ما راحت أفرادي
جد ورى جد متعلى على القمه
أهل سيوف تقص الراس وحدادي
الله يمنع بلدنا من هل النمه
ويحفظ ملوك البلد من كل حسادي
ويا الله يا الواحد اللي كلنا يمه
تحفظ حدود الوطن وملوك الأمجادي