سلامتك يامروي البيت معناه

فاض النهار وبدد النور ظلماه
في وجه ابوخالد قرينا معانيه
توهجت روح الوطن يوم هنّاه
شعب ٍ خذا عنه الألم لا يعنّيه
وازدانت أبواب القصايد ببشراه
صبح ٍ لبس عطر الديار وسرى فيه
بشرى الحياساقت لنا الشمس وياه
وسط البلاد اللي تحرّت سوانيه
من نفح طيب ٍفايض الطيب حنّاه
بكفوف أراضي شاقها مشي رجليه
الحمد للي بدّل الآه بضياه
حتى محى العتمه عن قلوب ترجيه
من كثر ماهو معتلي طيبه أعلاه
رب ٍ حمى نبض الكرم في سواقيه
في شوفته كلن حمد رب اسقاه
غيث الشفا واستبشرت به فيافيه
كن القصايد قافلة جت على اخطاه
ومن وصلته عادت تردد قوافيه
كن الصور من بين الابيات ترجاه
يزيدها شعر ووزنها بطاريه
سلامة المجد بقدومه وملفاه
سلامته في نور وجهه وطاريه
سلامة المدّ بسنا مدّ يمناه
سلامته في كل فعل ٍ يعلّيه
سلامة الطيب بمعانيه عشناه
سلامته في ظل خير ٍ نمافيه
سلامة الشجعان في قلب يملاه
نبض السموّ وفزعة ٍما تعنيه
سلامة الخير بوجوده ونقراه
صبح الحيا يضوي سمانا بطاريه
سلطان نبض الما والانفاس والآه
عطر الحياة اللي وروده تندّيه
سلطان وان جينا بالاشعار نقداه
ركض الحروف بوصفها مايكفيه
سلامتك يامروي البيت معناه
يا نفح أناشيده وحكمة صواريه
سلامتك ياعهدنا من عهدناه
فيه الوفا مازعزعه شي يثنيه
عن حب ناس زادهم من سجاياه
حب وتوهّج حبهم في محانيه
سلامتك سلطان سلطان للقاه
كل ٍ حزم قلبه وفزّت خطاويه
نزف الحقيقة قالها الشعر ..والله
اللي حمل شمس ٍ مشى ضيّها فيه!!
د.نايف الجهني