الحر الأصيل

قصيدة رثاء في الراحل سعيد بن نامي المقاطي العتيبي
الله من قلب تسوقه أهمومه
يسوقني هم (ن) على الله مشكاه
من الفقيد اللي فقدنا علومه
الله يعوضنا بعد ما فقدناه
الحر الأصيل اللي مكمل لزومه
من دونا مثل القصور المبناه
راع العزوم اللي ما تنقص عزومه
وراع الشحم في منزله لالفيناه
القلب يا زينه ونفسه رحومه
إن جاته الغلطة تركها تعداه
ونفسه من الزلة تراها معصومة
ما فادنا طول الدهر لو بكيناه
فيه الوصوف اللي ماهي معدومه
ورث (ن) ورثه الله في مثله وشرواه
كنا ليا منه لفا في قدومه
الكل منا ينظره ويتحراه
واليوم حلت ساعته ومخصومه
وشتالته من عندنا ما صفطناه
دنيا(ن) على الطيب سريعه غنومه
تغانمه وتدوره لين تلقاه
ياليتها لفت عنه في العمومه
أخذت بداله من هذولا وذولاه
غاب القمر مير السعد في نجومه
الله يعوضنا بشيخ (ن)حلاياه
يالله من نو (ن) تعاقب أوسومه
يمطر على قبره ويسقيه من ماه
عساه للجنة بعد حل يومه
في جنة الفردوس بيته ومأواه