تباهى يا الرياض

تباهى يالرياض وردد الموال يا عصفور
وغرد يا حمام وجر صوتاً يشرح فؤادي
وتباشر يا وطن ونبت وردود بجوك الممطور
سقاك من السحاب اللي مع برقا ورعادي
سحاباً يسقي جبال السراة وبرها وبحور
يعم المملكة يسوقه الرحمن من غادي
وعلى خط المحبة والتلاحم صف يا طابور
مع الترحيب والاستقبال نشيد راية بلادي
غيابك يا ولي العهد عنا لك سنه وشهور
بعدها مرحباً نبدي بها مع روس الاشهادي
الا يا مرحباً ترحيبة تشدي جبال الطور
نعطرها من الياسمين والريحان والكادي
الا يا مرحباً ترحيبة تبدي مبادي النور
إلى زدنا عددها للنشامى قام يزدادي
الا يا مرحباً بلي اليا رد البرا والشور
يضدون الحريب اللي يجي في راسه عنادي
الا يا مرحبا ترحيبة دام الزمان يدور
على اللي حاضر بالحفل من شيخان وسيادي
الا يا سيدي سلطان جعلك سالم ومأجور
يجي في العام عيدين وهذا ثالث أعيادي
مجيك سالم وغانم وحالك طيب ومسرور
يعيد لنا من الذكرى تواريخ للمجادي
تجاذبنا المحبة والغلا من عهدنا الماثور
ولا يمكن يغيرنا الدهر من عهد الاجدادي
محبة ثابتة بقلوبنا لو الزمان يدور
على سنة نبي الله محمد والله الهادي
عسى ربي يحفظ أمن البلاد بستره المستور
بلاداً عزها الله تحت حكم خير الأجوادي
تحت حكم المليك اللي لها حصن حصين وسور
وحنا له جنود لا دعانا الداعي نفادي
أنا شاعر ولا أحب التعدي والخطأ والجور
أداري سمعتي مبغا يجيني نقد نقادي
عبيد بن ثعيل منيف السبيعي