مجالسة والديك

بسم الله الرحمن الرحيم
اسمعوا وش قال اليوم لي أبوي ؟؟
يعل قصر مايجي له ظلالي
ينهد من عالي مبانيه للساس
لاخاب ظني بالرفيق الموالي
ماني مشاريه على نايد الناس
مستشهد بهذا البيت طبعا ويتكلم ويقول وين البيت الكريم اللي يرحب بالضيف ويهلي به ونفسه تكون خفيفه بلا تكلف ولاعبوس ؟
لا ألحين كأنه يأخذ موعد من مستشفى أو مقر حكومي يتصل أول ومدري يرد والا مايرد اذا صارت حتى صفة التواصل مجدوله ومدروسة لذا اصبحت تفتقد روح المفاجاءة وطعم اللقاء والضيافه !!!
الشطر الثاني لما انا قلت يابوي وش معناه ؟ قال ايه هذا الاخو اللي ماجابته الام الرفيق والخوي المطلق اللي اذا توفقت ولقيته فأنت في قمة السعادة لكن لما هذا الصديق يتخلى عنك أو يخذلك فهذه الضربة اللي تكسر الظهر وتجلب لك القهر وعاد إذا والله رفيقك خلاك وش له اتشره على اللي ما يعرف غلاك وقدرك !!!!!
ياللروعه عندما يكون لك نصيب في مجالسة والديك والتحدث إليهم والاستفادة من خبرتهم في الحياة ونقاء وصفاء قلوبهم
وجمال ما يطرحون من كلمات وأبيات فلك الشكر ياابي كم امتعتني وأحببت أن تنال يامن تقرأ هذة الصحيفه نصيب من المتعة
بنت أبوها