العبيد: كوميديا رمضان «سامجة»

شاهد عيان من الشارع العام، على الأعمال الرمضانية ونجومها.. له وجهة نظره تجاه ماتابع من الأعمال وله رأيه الخاص بالطبع.. ومع بدر العبيد دار الحديث التالي:
وش رأيك بالمسلسلات الكوميدية اللي عرضت هالسنة في رمضان؟
فيه شوي كوميدي، لكن السماجة هي اللي طاغية عليها.
شكلك تحب المسلسلات التاريخية والتراجيدية؟
لا بالعكس أحب الكوميديا بس الكوميديا لازم تكون خفيفة على المشاهد بعكس اللي نشوف.
ما رأيك بحلقة الحكم السعودي في «سكتم بكتم»؟
بصراحة من أفضل الحلقات اللي أعجبتني لأنها تنقل الواقع ويمثلها فنان مميز مثل فايز المالكي.
أفهم من كلامك أنك معجب بالعمل اللي يقدمه فايز المالكي؟
أكيد وأغلب اللي أعرفهم متفقين على هذا المسلسل لأن فيه كوميديا ويعالج قضايا اجتماعية مميزة.
طيب بالنسبة لباقي المسلسلات وش رأيك فيها؟
بصراحة أنا أهتم بالمسلسلات اللي في وقت الذروة بعد المغرب لأني متواجد كل يوم بالبيت وبصراحة «طاش» السنة هذي ما أعجبني.
ليش؟
ما دري ممكن نجاح «سكتم بكتم» سحب المشاهدة منه وغير كذا صار يقدم كوميديا موجهة وهالشي ما يعجبني.
ومسلسل «بيني وبينك» وش ما علقت عليه وهو يعرض في وقت الذروة؟
أصلا ما تابعته لأنه يحتضر من السنة اللي راحت وهالسنة فقد أهم عنصر فيه وهو فايز المالكي.
طيب والمسابقات التي تعرض في رمضان هل تتابعها أو تشارك فيها؟
أحب «سباق المشاهدين» لأنه برنامج فكرته رائعة جدا ويقدمه مذيع رائع على الرغم من أنه برنامج متكرر إلا أنه برنامج متابع بشكل كبير ويقدم جوائز ضخمة.
وباقي برامج المسابقات ماتتابعها؟
لا، لأن ما فيه أي برنامج مسابقات شدني غير «سباق المشاهدين»، بس على فكرة لازم يكون فيه تنسيق بالتلفزيون.
كيف يكون فيه تنسيق؟
يعني مثلا عندك التلفزيون السعودي فيه ثلاث مسابقات وكلها جيدة لكني أعتقد أنها تعرض في شهر واحد تأثر في بعضها.