الحمادي يختار من هذه الدنيا(شخص واحد) ليشاركه احساسه

فارس قدم الى ساحة الشعر ولمع اسمه وهو في مقتبل عمره وأسرنا برومانسيته وشاعريته اللامحدودة
يكتب هنا للعشق ويختار محبوبته لتشاركه احساسه متحديا كل الصعاب وهو الشاعر الشاب كمال الحمادي الذي أطلق عليه لقب (شاعر المجتمع) فهنا تلامس كلماته الاحساس وتنجلي وتختفي كل الصعاب في العشق
لو قالوا إختر شخص واحد ويكفيك
ماقلت أبي غيرك .. ورحت وخذيتك
إجلس بوسط القلب وآمر وأنا أعطيك
وشرّه على قلبي وقلّه عطيتك
وإنسى جميع اللي عرفته بماضيك
وأنا معك بنسى مدامي شريتك
وش حاجتي فيهم وأنا مغرمن فيك
ماشوف غيرك بالبشر وارتضيتك
أذوب في حسن الوصوف بعواليك
ليتك تحس بذوبتي كيف ليتك .!
شفني إذا حلت على أذني طواريك
أضيّع أسمي وأذكر إني ضميتك
عذبتني يا كثر قسوة مباديك
ياليت لي حيله صرخت .. وهجيتك .!
مير البلا لا صار قلبي يناديك
ويرفض لساني ينطق إني نسيتك
وأنا نسيتك ؟ أكذب إن قلت ناسيك
في وسط عيني يا بعدها لقيتك
متربعن ورموش عيني حواشيك
عن الأذى والناس فيها حميتك