خطأ طبي مقصود من طبيب سوري مستهتر

أريد حقي
السلام عليكم ورحمة الله وبركاته
انا حصل لي خطأ طبي مقصود من طبيب ماعنده ذره رحمه انا رحت لمركز (تحتفظ الصحيفة بالاسم ) لطب الاسنان عند دكتور التقويم ......اقسم بالله اني اكتب هالكلام وخانقتني العبره لاني مو قادره اخذ حقي ولان الخطأ ماكان خطأ مو مقصود بل كان مقصود واكتشفته عن طريق الصدفه لانه شوه اسناني تخيلوا جابلي الاداة اللي ينحتون فيها السن لوضع تلبيسه وفتح بين اسناني اللي تحت فيها فتحه مشوهه لانه دائما لما ينظف اسناني يكسر اطرافها ولما اسأله ليه يقول عادي اسويلك تنعيم ويروح بس اخر مره صار المنظر مأساوي ولما سألته هالمره جلس يصارخ بكل وقاحه ويقول اطلعي برى شوفي دكتور غيري تخيلوا فك الشد وقالي اطلعي وكان في رمضان جلست 3 ساعات في الانتظار لانه كان رمضان وفي الليل ومافيه دكتور اقدر اروحله ولو تركت اسناني بدون شد انتم عارفين انها بتخرب المهم جلسوا الدكاتره يقنعونه لحد ماوافق حسبي الله عليه واقسم بالله ان من قوة الحقد انه شدلي شده صحيت ثاني يوم ظلوع صدري تعورني من قوتها المهم رحت لدكتور ثاني وهنا كانت المصيبه قالي يابنتي اصلا كل هالتقويم غلط اماكن الحديد كانت مايله كأن بزر صغير اللي مركبها وبالمناسبه اللي ركبلي الحديد الممرضه هو ماله خلق طال عمره رحت ل 4 دكاتره وكلهم انذهلوا من المنظر واذكر اني لما كنت اسأله اقوله الحديد مايل يقول لا عادي هو مفروض يكون كذا لانه ماله خلق يفك ويرجع يركبها صح ,المهم انا الحين اسناني اللي تحت صاروا نحاف بسبب لعبه فيها وفكي شبه مايل والله العظيم ان صارت مخارج الحروف غلط صرت استحي احكي ولما ابوي كلم صاحب العياده اللي هو ........ولد البروفيسور ... ...... صار يكلم ابوي بكل استهتار يقوله عندك وزاره الصحه وعلى فكره هذا الدكتور عمل لاختي عملية جراحه ضرس العقل مع انه مو اختصاصه ضرس العقل فيه ناس ماتت بسبب عمليات ضرس العقل اذا كانت خطأ , واشتكيت وزارة الصحه ولكن للاسف الوزارة في سبات عميق ماتتحرك الا اذا مات احد ولحد الحين الدكتور يمارس مجزرته في الناس انا كتبت قصتي عشان احذر الناس من هذا الدكتور ومن هذي العياده اللي تستهتر بأرواح الناس واللي يقدر يفيدني برأي بكون شاكره له حسبي الله ونعم الوكيل انا كنت رايحه بصلح اسناني طلعت بتشوه واهانه
نورة
اذا فيكم تنشرون قصتي عشان توصل للمسئولين وتاخذولي حقي تكفون ساعدوني املي فيكم كبير