سهم المنايا

رفرفي يا الرايه الخضرا رفيعة
لارتفعتي قلتلك سمعن وطاعة
لجل من يحكم ويأمر بالشريعة
لين راع الظلم يظهر من قناعه
اخذلي راع المكايد والخديعة
من قديم الوقت ما ذهلنا خداعة
اعتزا سلمان ورجاله تطيعه
عزوة الى حس في رأسه شجاعه
صدر أمر الحزم في لحظه سريعه
أمر زيزوم الشجاعة والبتاعة
حلق الطيار والضربة شنيعة
قبل نور الفجر ما يبدي شعاعه
لين خلاها على البيدا وليعة
حقق الأهداف لو زاد ارتفاعه
بسم شعبن يكسب الطالة طبيعة
ما يحط الرأس من بعد ارتفاعه
مطلعه من نجد ماجاها نزيعه
ما قصر عن مجدها شبره وباعه
ألوفا والطيب ماجتهم بديعه
اكسبوها من بدود ومن جماعه
شعب لجل الحرب ما يرضى الهزيعة
الويطول الحرب ما خان الوداعة
لو يعد الطيب يظهر فالطليعة
يستمد الطيب من مده وصاعه
مع ملكنا جدد البيعة بيعه
يشهد الله واحداً منه الشفاعة
شبر من غالي وطنا ما نبيعه
لو يسوقون الذهب في كل باعه
لو يجي يومن يشيبه رضيعه
شاب منه الطفل في سن الرضاعة
ما زهدنا في شتاه ولا ربيعه
مرتوين من غلا ضلعه وقاعه
علم الحوثي بعد سلت ذريعه
ما يقف بوجيهنا لو ربع ساعه
صار له يؤمن مثل يوم الوديعه
يذهل ويجوز عن شف الطماعه
لين يصحا بعد ماحس الوقيعة
ضاق به جو الفضا بعد اتساعه
من طمع بحدودنا ماحدا يطيعه
قب راسه شيب ما رجال طاعه
قدمه اليات وسدودا منيعه
من وقع بنحورها شاف القطاعة