طفلة وسط صدري

على طاري غلاتك والقصيد وسالفة موال
تلبس طفلتي عالم من أجواء الفرح مسروق
ذبل حزن الشعر فيها وطير الحب صال وجال
وسط نبض الحنايا وانتشى فيها رذاذ الشوق
هلا يا اطهر من الغيمه .. هلا يا بسمة الاطفال
على شرفات صبح العيد والدنيا مطر وشروق
هلا بك كثر ما ارهقني جنون الحرف والترحال
من غصون الحزن .. لين يحضن زفراتها مخنوق
فديتك طالبك لا عاد تنشد كيف صار الحال
ولكن حط طيفي في يدينك واحضنه برفوق
وشف كيف يتساقط في يدك من لمستك رجال
رطب حب ومشاعر واحتفاء بصورتك في الموق
وإذا قصدك سوالف ضيق صارت للعيون ضلال
وشعر يزهر ابداع وجنون ودفتره مخنوق
ترى هذي مجرد ذكريات تعانق الاطلال
ضحايا لاندافعية رجل قلبه طفل مطفوق
قتلها حبك وغير ملامح عالمي همال
تناثر من ضلوعك .. وانتشى فيني مطر وبروق
جمعت من الحشى رمل وبذرت من الحنين آمال
سقاها داعي عيونك محبه واينعت مخلوق
وهالطفلة وسط صدري لبسها من الفرح زلزال
وهزت لك معاليق القصايد وارتوتك اعروق
سامي الوايلي