عذوق الرطب

ياعذوق الرطب .. لا هزها الشوق قوه
ان تساقط جنيته .. وان تعلق جنا
هزني بس حاذر .. واعوج الضلع سوه
معك ماينكسر ضلعي لوهو دنا
كن ضلع المحاني .. لك تقوس علوه
وانحنا لك محبه وارتقى بك هنا
بي خفوقا تشكى .. قل حظه وسوه
وابتسم له زمانه بعد وبل العنا
وانتشا بك جفافي .. واكتسى بك زهوه
لين لامس بي اطراف السما وانحنا
لك سحابه .. ومزنه .. واعتلى بك سموه
واختلط طهر قلبك .. به نقى واغتنا
ساقي العرق .. دوك العرق لاجف روه
لما جف به دمه .. عليك انثنا
نت برق السحايب .. لا غشاني بنوه
مطر الغيث منك .. ومنك يبرق سنا
انت عذب النسايم .. منك نسناس جوه
قصر صدري عليه من الغرام انبنا
ارتوت بك زهوري عطر .. وان فاح توه
ذبت فيني وقبل تذوب بي ذبت انا
كل ما قلت لي قوه .. ورديت قوه
هام بعضي على بعضي وبعضي طنا
جوهرة المصيف