الشوق

هلا يسعد مسا عينك سلام الله على حلياك
هلا ياسيدي والملح سولف فيك نشواني
يهيم الليل من حولك توشح بالعطر يغشاك
يفوح العاطر اللي بك .. وفيه العشق يغشاني
وربٍ زين عيونك .. وكلك ذاب في ممشاك
تهزع هزني .. والعمر ياسيد البها فاني
تغزري لي فتون العين منك .. وفي أنا بلواك
على هونك .. ترفق بي كفاني منك ماجاني
على أمرك سيدي خذني .. أنا كلي معاك وهاك
من عيوني لذيذ الشوق ومني كل وجداني
هناك بآخر النظرة تسامت نشوتي وإياك
هناك بآخر حدود المسا .. غنيتك الحاني
هناك أنتي .. تهزين السهر فيني على مسراك
هناك الشوق يتباها يغني فيك طرباني