نجران تُكرم اليوم الوطني وتحمله رسالة

آخر تحديث للمقالة بتاريخ : 24 سبتمبر 2016 الساعة : 9:19 مساءً
نجران تُكرم اليوم الوطني وتحمله رسالة
اقبل اليوم الوطني السادس والثمانون
في حلته الخضراء قادماً من الرياض
حتى سلم على نجران ورحبت به ودار بينهما هذا الحوار:
سلام عليش يانجران
وعليك السلام
ومأجورة والسلامه
الله يعافيك وانت مأجور والسلامة
الله يعافيش وايش حالكم
حالنا بخير ابشرك ولا علينا خلاف
ايش قومش كلامش ماهو بعلى العادة؟
مابه خلاف… وايش اللي بار عليك
بار علي كلامش ووجهش ماهو بزين
اليوم يومي انا يومكم الوطني وجاي اسلم عليش وعلى اهل نجران وباروح صوب العسكر اللي على الحد اسلم عليهم واهنيهم واكسيهم باللون الخضر ودش تروحين معي صوبهم؟
الله يحييك والوطن جعل أيامه أعياد
اما العسكر اللي على الحد اني معهم من اول يوم
وانت رح وعود ولا تلهيهم من شغلهم
بنجهز غداك وعشاك وعلمهم ان عشاهم بيجيهم الى اماكنهم
رفرف وراح يمن ونجران انشغلت بتجهيز كرامة للضيف العزيز والاحتفال به
وبعد شوي سمعت نجران أصوات زوامل وعزاوي وعرضة بالبنادق والمدافع من عند العسكر المرابطين على الحد فصاحت في هلها
رجال يام ياستري همدان ياعزوتي
قد به علم عند هل الحد البسوا سلبكم
وشوفوا ايش العلم
واذا بطائرات سلاح الجو تتمايل في سماء نجران طرباً
وجاء العلم سريعاً
مابه شر ما بلا جنود الحد يحتفلون باليوم الوطني ويزملون عليه ويرحبون به.
قالت نجران هذا علمٍ زين واللي ودنا به
مكث اليوم الوطني عند حماة الحد برهة وسلم عليهم سلام عام وودعهم
وأبلغهم تحيات الوالد الملك سلمان وولي العهد وولي ولي العهد وقال ماودي الهيكم من واجبكم وانا باعود من عندكم يا هل الحد صوب نجران
جاعلين لي حفل وكرامة وقالوا عشاكم بيجيكم مكانكم
واذا عندكم رسالة ودكم أبلغها من جيت من عنده فأعلموني
قالوا رسالتنا عند اصغر الجنود سناً
وهو بيبلغك إياها
وخرج شاب في لباسه العسكري كاملاً وقال الله يديم عز الوطن ويحفظه من كل شر ويطول في عمر ملكنا
ومعاونيه ورسالتنا للجميع :
(بلغ اللي ورانا ماجبنا
دام منا من يشل البندقية)
وان تلين الحيد ما يفتر جهدنا
(ومن بلانا ننطحه والشمس حية)
قال ونعم والله ينصركم ويدل ربعنا ذا اللي حدونا على اللي حصل ويكفون أذاهم عنا ويدرون ان حن واياهم من دون لقصا والقريب لكن عميت البصيرة وغدوا لنا عود كلوة.
ورسالتكم وصلت ومع السلامه
وعاد ادراجه مرفوفاً في سماء نجران
ثم هبط في حلته الخضراء في الوادي
ووجد نجران توه تستقبلة
ورحبت به وخذت علمه وبعد ماتقهوى
وأخذ له تمرتين
وبعد الصلاتين
قاما بجولة ميدانية في مدن نجران وقراها
وبعد ماشاهد الناس يحتفلون في كل مكان أفراد وجماعات كبار وصغار رجال ونساء
احتفالاً رمزياً ازداد بهم اعجاباً
وكلما مروا على مجموعة أشر له بعضهم برسالات رمزية وطلبوا منه نقلها الى الملك وولي العهد وولي ولي العهد ويرد عليهم ب على انفي
وردوا عليه عليه الشحم
ثم مر على مهرجان الاحتفال وكأنه استقل استعداد نجران
وهمس في إذنها ايش قومش حفلش
دون الهقوة
قالت:
ماهو بقل في قدرك بس الحذر واجب وحن في جبهة حرب
وانبلجت اساريره واستمرا من قرية الى قرية
ومن موقع الى اخر وقام يسجل ملاحظاته في ورقة بيضاء
ويسجلها بلغة الشفرة
ثم يطل بعينه تو نجران ويقول اعجبش ما سجلته؟
وتقول عز الله اعجبني
وبعد المغرب برزوا اليوم ونجران في قصر ابا السعود
وتحاورا كثيراً والعشاء يزهب
قالت نجران الكرامة والضيافة شيء
والمطالب شيء اخر وانت بترجع للعاصمة وأمانه عليك تحط ورقتنا في يد الملك الله يطول عمره
وتعلمه بالضروف الخاصة اللي شفهنتها بعينك
واهمها التعليم كله والصحة كلها والمشاريع كلها والعمالة كلها والمطار كله
والقروض كلها والبطاله كلها والخساير كلها والرياضة كلها والزراعة كلها والاقتصاد كل ابيه
وسهيت ..العرب هل الديرة دخلهم بالبلاء واللي بايديهم قد هو شوي عاد اما من كانت اضرارهم عالية جداً
والنَّاس ماودهم تبين خلتهم حتى لا يشمت عليهم الشمات
قال لها اليوم أبشري عاد في خاطرش شيء
قالت نعم
بلغ اهلنا في المملكة اللي بعضهم ما نشد منا ان الخاطر عليهم ما هو بزين
واكيد ان اهل جازان وعسير عندهم مثل ماعندنا
وعندهم من عيالهم وعوانيهم ناس صاملين
والهموم واجدة لكن حالتنا اكثر الماً
قال أبشري الرسالة وصلت والخير عليكم مقبل
والآن مع السلامة
قالت في أمان الله وتعود علينا العيد الجاي والوطن في حال زين
أ. حسن بن صالح ابن عومه اليامي
اليوم الوطني-86
"نجران نيوز"