يسعد مساك

وأحلى الأماني جعلها من نصيبك
يا صاحبي يا جعل ما الله يسؤك
طلبتني وأنا سمعتك وأجيبك
ياللي تبي درب الرياجيل توك
أحذر ترى بعض الدروب تغديبك
تخيل لكن ما أنعرف ويش نوك
توك شباب ومظهر الوقت شيبك
لا تامن الدنيا ويغريك قوك
لابد شمسك تختفي مع مغيبك
وأعرف ترى مهما تزايد علوك
رجلك إذا ودتك تقدر تجيبك
تدري ويش أكثر ما يحقق سموك
محبتك عطفك تواضعك طيبك
ولاتماشي من يدور دنوك
مشيك معه نقص(ن)عليك ويعيبك
الناس تدري ويش خيرك وسؤك
لاتسمع اللي بظهرك يحكيبك
من لايجيك ولايقدر عنوك
لاترتجي نفعته ما هو مجيبك
لاتطفي صدوف المقادير ضوك
أقدار رب الكون لازم تصيبك
أصبر وكابر لاتبين حنوك
يضحك عليك اللي يدور مصيبك
والجرح لا تشكيه لوك ولوك
حتى ولو جرحك طلع من طبيبك
وأعرف ترى ما هو عدوك عدوك
عدوك اللي تحسبنه صحيبك
الشاعر/ حبيب فالح الزراقي
aqalaali@yahoo.com