العمر صفحات

لو في ايدك مال يابن آدم كثير
ماتعانق في دراهمك السحاب
وان حشمته وان بذلته للفقير
عوّضك ربي وقداك الصواب
اطلب اللي كلنا به نستجير
لا سعيت بخير تغنم بالحساب
والفقر راعيه باحواله كسير
كم دهاه القل كم عانى الصعاب
كم تعيش وكم تعمّر كم تصير
العمر صفحات يطويه الكتاب
والصوابر لونها اقرب نذير
والبياض اعطاك لاحل الجواب
لو تعيش سنين تسكن فالأخير
في لحد والجسم غطّاه التراب
وان قضبت المال لا تظنك كبير
الكبير اللي بذل يرج الثواب
ومن تكبّر بالدراهم مايضير
وان تمتادى بالردى جاه اكتئاب
قد نسى انه من لفى الدنيا صغير
اجرد ٍ ما لامس الجسم الثياب
والختم صلوا على الهادي البشير
ارشد الأمة على الدرب الصواب