أمير الشرقية يشرف مجلس يوسف الدوسري وإخوانه

استمع الحضور إلى كلمة سموه الضافية عن الوطن وتلاحم أبنائه

شرّف صاحب السمو الملكي الأمير سعود بن نايف بن عبدالعزيز أمير المنطقة الشرقية، مجلس يوسف بن أحمد راشد الدوسري وإخوانه، ورحب الجميع بمقدم سمو الأمير سعود بن نايف واستمعوا إلى كلمته الضافية عن الوطن وتلاحم ابنائه والاجتماع على تحقيق شريعة الخالق. وقد حضر عدد كبير من أعيان المنطقة الشرقية ورجال الأعمال المناسبة، حيث تشرف الجميع بالسلام على سموه الكريم، وأبدوا تقديرهم وعرفانهم لنهج سموه الذي يلتقي فيه المواطنين ويزورهم في مجالسهم ويستمع إليهم ويبين لهم الأمور التي تهمهم.
وفي نهاية اللقاء شكر صاحب السمو الملكي الأمير سعود بن نايف بن عبدالعزيز أمير المنطقة الشرقية، يوسف بن أحمد بن راشد الدوسري وضيوفه الكرام على ما أبدوه من أفكار وبعد نظر، فيما قوبل بالشكر والعرفان على تفضل سموه بهذه الزيارة الكريمة.
شعر النبط ذالليل راسه طال
ولبس المفاخر كلهنّ إجلال
في وقفةٍ طول العمر تحسب له
لو إن دقايقها مهيب طوال
في المجلس إللي نفح صيته فاخر
يعجّ به مع طيّبين الفال
ساقت صبا نجد العذية نِدِّه
وسقت القدم يمّه وأنا مختال
أتوق لمصافح يمين الشامخ
يمنى الأمير إللي مقامه عال
وأسوق له شعرٍ صداه يجمّل
لاقالوا أهل الذائقة: وش قال !
أنوب عن يوسف ومعه أخوانه
في موقفٍ يكبر به الرجّال
وأنا سفيرٍ للدموخ مفوّض
في ليلةٍ تسوى لها ليال
يامرحبا ياسعود يامنومسنا
عسى سنينك في الحياة طوال
يامرحبا ياسعود يامكرمنا
وزيارتك ذالليل راس المال
يا أميرنا إللي في الصدور نشيلك
وفقلوبنا لك بالغلا منزال
باسم الدواسر يالأمير أرَحِّب
إللي بنوا للطايلات إحلال
إللي مع جدك وأبوك ومعكم
وقفاتهم عند اللزوم ثقال
من يوم بايعنا الإمام العادل
وسيف الدواسر للعدا سلّال
يضرب به معزي وضربه صاطي
والشاهد التاريخ والأفعال
الدوسري فيه الولاء بالفطرة
والدوسري عن بيعته ما مال
ياسعود جيت ومرحبا بقدومك
والوصل بين أسلافنا سربال
إنّا خوال أبوك ونفاخر بك
وأبشر بنا لاحكّ جالٍ جال
وإنّا خوال معزي الأسطورة
إللي ضِرب به في الدهاء الأمثال
وأنت أبلجٍ لاجاء لطيبك سيرة
ينساق لك شعر المدح همّال
وشلون ما أعطّر قصيدي باسمك
وألبّسه من خام طيبك شال
وأنا وقار الشعر ماضيّعته
ومحرمٍ المدح ف آل و ف آل
بنات فكري شعرةٍ من وجهي
ما أبيعهن في السوق بيع إهزال
شرّد بيوتٍ لا سمعها مضرم
كنه يقهوى الكيف في فنجال
ما سقتها إلا في الأمير الهامة
مدايح.. وترحيب.. واستقبال
ولاسقتها في مدح من يزهاها
تروق لأهل الذوق والعقّال
سعود بن نايف الأمير النايف
وريثٍ عودٍ سيرته ماتطال
وريث نايف وإن ذكرنا مجده
من وين نبدا سيرة الأبطال
إلى ذِكِر نايف وجاء طاريّه
كلن وقف تقدير له وإجلال
تاقف له أوطان وشِعوب وقادة
وتثني عليه أجيال بعد أجيال
كل الأمم ترفع لجوده راية
إللي لِبس بدلة ولَبس عقال
إلى كوَت بعض الشعوب الرمضا
ظلال بشته للشعوب ظلال
وإليا خرمت روس الشيوخ لفزعة
الكيف راسه .. والعزوم إدلال
استنطق التاريخ واسمع واسمع
واشرب من المجد العظيم زلال
ليلٍ سهرته طال مع تاريخه
نزف القلم طوَّل وليلي طال
عرفت كيف أمة تخسر إلْها أمة
وإللي رحل منها فقط رجّال!
رجّال... لكنه أمةٍ بأفعاله
ياما بفعل الطيب صال وجال
رجّالٍ أيتم في رحيله شعبه
في يوم موته كلبونا أطفال
العود يبكي والثكالى تبكي
وكحل العذارى في المحاجر سال
تيمّم الشعب السعودي قصره
الله ما أصعب دوجة الأطلال!
ياقصر وين إللي بصدره نجلس
ولنا بقلبه الأبرحي منزال
ياقصر وين إللي حجاجه يضحك
قدام طالب جاه ولا مال
ياقصر ياما جاك راعي حاجة
في ضيق.. وأنكف يرفع الموّال
ينصونك أسياد العرب والضيقة
فصدورهم وإيدينهم فأغلال
وإلى وقف نايف لهم ثم لبّا
الضيق وَلّا.. والسرور إنهال
ياشاهد التاريخ دوِّن دوِّن
هذا الفعل وإللي سواه أقوال
هذا هو المجد العظيم الشامخ
بناه نايف والصحيح يقال
وإليا رحل بانيه مجده خالد
الليث خلَّف في العرين أشبال
خلَّف نجومٍ في سماها لاحت
ويحق لنجوم السماء تختال
توارثوا من راس نايف مجده
إللي تنقّى إلكل منهم خال
وتسلطن شيوخ تروم الطالة
وقت المزاحم تشرب الفنجال
مثل الأمير إللي جذبني صيته
وشيخة قصيدي جات له زرفال
من نجد سرّيت القصيد لشيخه
إللي بنى له صرح ماينطال
سعود بن نايف إلى جاء ذكره
تقول كنّ الطيب له بلحال
سعود أميرٍ فاق طيبه جيله
الراس طيّب والعزوم جبال
وأنا وشعري لو مدحت مقصِّر
ما ينقص إمحيط المديح إخلال
ياقبلة الشعار.. يامفحمهم
لو هام شعري في مداك وطال
ما أوفيت يابحر المكارم قدرك
الحيل واني والحمول ثقال
لكن باحلِّق في سماك بكلمة
تغني عن إللي قيل أو بيقال
ياورث نايف.. ياخليفة نايف
إلحال طيبك.. والكرام إلحال
نايف بن مسرع الدوسري
المجلس ازدحم بالحضور للاستماع لكلمات سموه
سموه يتوسط صاحب المجلس وإخوانه وضيوفه
جانب من الحضور