نور الضحى

خالد العتيبي , شاعر تعتبر قصائده إضافة للشعر وللنشر , وهنا يخصنا خالد بجديده الحافل بالجزالة والعذوبة .==1==
للنار ياحادي الضميان والجنة تمد الضليل==0==
==0== في كنّة القيض والجوزا لضاها يقصر ضلالها
غيّبت الاحباب من قلبي لطارفها خليلٍ خليل==0==
==0== البارحه والسوالف يدّرج فالعُوج محّالها
لومي على الصدر من ضلعه ليا ضلعه وصبرٍ جميل==0==
==0== ما توّبه جَرّة المِيسم من الفرقا وغربالها
ياليل ما اقصءرك وانت اول ليا مرّيت خطوك ثقيل==0==
==0== ريّع معي والسنين اللي خذتبي يكفي ليالها
ياليل وانته زناد الشعر ولاّ السهءر واخر عميل==0==
==0== ياموعد اللي غلاها طال روحي مير ما طالها
حف لي نجومك وسءقها عكس مسراها وعمرك طويل==0==
==0== والامر لله مير النفس مما شفت يوحى لها
واليا سرت بسرة الخفّاق كيل اللي من اوّل تكيل==0==
==0== جمّة ثوانيك قصّر لن بغيت وطوّل حبالها
جتني تهادى تهاد الريم واليا هيّفت للمقيل==0==
==0== نور الضحى تحت ملثمها وتال الليل في شالها
في عينها الخيل تنزي بالرماح وبالحسام الصقيل==0==
==0==ومجوّخين الشيوخ اللي وحيف الموت يبرالها
لبيه للعنق والريان والرمش الضليل الكحيل==0==
==0==والمبسم اللي ثمانه يسكر الصاحي ويصحالها
وانا فدى الشعل والحجّان والخد الندي والجديل==0==
==0==وافدى مطالع قمرها من نحَرها وافدي هلالها
وانا دخيل الهوى كان الهوى عنده مقام الدخيل==0==
==0== ل اورّد ( الوا ) محاجرها واسوق ( الدا ) على خالها
فيها من الستر مايقطع لسان اهل الكلام الهزيل==0==
==0==ولءها من الغي سحرٍ يزعل الراضي ويرضا لها
واذكر فعول السنين السود واليا سولفت بالرحيل==0==
==0== وانسى طعون الليالي بين كلمتها وفنجالها
اليا طرت لي كتبت اللي مع اهل الشعر فالمستحيل==0==
==0==والشعر وقفي ليا مرّت طواريقي على بالها
ودّعتك الله يا نور العيون اللي سهَرها طويل==0==
==0== صبري على الله من تالي صفرها لين شوالها==2==