دردشة اطفال

@ ما اسمك؟
نادية.
@ وبعد.. باقي اسمك؟
هذا اسمي ماله باقي.
@ اقصد اسمك الكامل؟
نادية محمد العتيبي.
@ واسم الدلع؟
كل واحد يدلعني باسم.
@ مثل.. اعطيني من اسماء الدلع حقتك؟
نودوي.. نويديه.. نداوي.
@ الدلع زين للبنت؟
ايه لانه يصلح لهم.
@ والاولاد ما يصلح لهم لدلع؟
عيب الولد يدلع ما يطلع رجل.
@ شلون المدرسة وياك؟
يعني زينه ما بها شيء.
ليه تقولينها بزعل؟
بالله عليك احنا باجازة وشوله طاري المدرسة.
@ خلاص.. وتزعليني وشلون الاجازة؟
قصيرة مرة لو يطولونها احسن.
@ نادية.. اجازة الصيف طويلة اكثر من شهرين؟
بس المدرسة سنة كاملة.
@ طيب ما قلتي لي كيفها الاجازة معاك؟
حلوة بس الجو ما ادري ايش فيه صار كله رطوبة.
@ عشانه الصيف.. ما قلتي لي وش اكثر لعبة تحبينها بالصيف؟
السباحة بالبحر.
@ وش رأيك بمهرجانات السعودية؟
قصدك الملاهي اللي يسونها بالعطلة.. يعني حلوة بس الدمام احلى من جدة.
@ ليه؟
عشان بحرها.
@ وجدة.. فيها بحر؟
لا بس بحرها احمر.
@ ليش تقولين كذا؟
عشان هنا بحر الخليج وجدة على البحر الاحمر.
هو اسمه كذا عشان لونه
@ تعرفين بحرا ثانيا؟
ايه اخذته بالمدرسة البحر الميت.
@ طيب ليه سموه الميت؟
عشانه ما يتحرك.
@ طيب وش لونه؟
اسود.
@ نادية.. تحبين برامج التلفزيون؟
ايوه.. احب جورجي عشانها تشبهني بس شعرها غير لون شعري.
@ من يقول انك تشبهينها؟
كل الناس ويقولون بعد اني احلى منها.
@ نادية تعرفين المكياج؟
تقصدين حق الحريم اللي يحطونه على عيونهم ووجههم اعرفه انا بالعيد احطه وبعروس.
@ طيب نادية ودك تصيرين عروس؟
ايه انا عندي فستان عروسه وردي.
@ من اكثر ينطق المرأة والا الرجل؟
الرجل عشانه يحب الهوشات في الشارع والسوق والملاهي بعد.
@ والحريم شلون يضربون؟
باظافرهن ويقطعون شعورهن.
@ طيب ايش رأيك بالرجل اللي يضرب الحرمه؟
هذا حرام والحرمة مسكينة تبكي بسرعة.
@ طيب ليه البنات يبكون بسرعة؟
عشانهم بسرعة يتعورون ودموعهن لازقة تحت عينهن والرجل ما عنده اصلا دموع.
@ نادية وش ودك تصيرين اذا كبرتي؟
مثلك امسك ورقة وقلما ومسجلا صغيرا يعني صحفية.
@ وبأي جريدة ودك تشتغلين؟
بجريدتك اللي تسوينها.
@ واخر كلمة وش ودك تقولين؟
لا عاد يلعبون بدبابات البحر عشان ما ينجرحون ويطلع دمهم.