افكاري إسمنتية !

بناء بيت العمر هاجس لكل فرد يحلم بالاستقرار بعيدا عن الإيجار وتداعياته .. عندما يكون من يعايش هذا الهاجس المؤرق شاعرا مثل ضاوي العصيمي فلا بد أن ينتج عن ذلك قصيدة بهذا الصدق الذي لا يخلو من الطرافة ..
==1==
قالوا نبي من قصايدك الغراميه==0==
==0==قلت الهوا والغزل قفلت بيبانه
انا من الليله افكاري سمنتيه==0==
==0==حديد . وبلك . واسمنت . وخرسانه
ولا عاد لي هم شاغل غير هاذيه==0==
==0==قواعد البيت وجسوره وعمدانه
احلم بفلا على ذوقي خياليه==0==
==0==تكون بين المباني كنها دانه
انسا بها ايامي اللي شيّبت فيه==0==
==0==ويصير لي مع هوامير البلد خانه
احلام مير الحقايق جات عكسيه==0==
==0==واصبحت مديون والجيران ديانه
وقام المقاول يهدءر وتضرس لحيّه==0==
==0==قلّت فلوسي وقام يحد نيبانه
من عقب ماني بعمه نعنبو حيه==0==
==0==اليم ماكني الا ضمن صبيانه
ان قلت راع الظروف وزيّن النيه==0==
==0==واصبر وياصلك حقك حومر اعيانه
قال ايه هذي سواليف الحراميه==0==
==0==هات الدراهم ترى الاخلاق تعبانه
عوّدت اعزّم واروّح للشريطيه==0==
==0==واخذ " ونيتين " والتقسيط باثمانه
واعطي المقاول ثمنها شبه جبريه==0==
==0==والراتب اقساط من راسه لكرعانه
والورع وامه يبون اشيا ضروريه==0==
==0==والتاجر ان شافني جا دون دكانه
يقول للفقر في نظرتءك ماريه==0==
==0==ودفاتر الدَين من شرواك مليانه
وعوّدت لاجبت لا هذي ولا ذيه==0==
==0==وعزي لمن راح وانكف ماقضا شانه
العذر ما يقنع المحتاج موليهر
==0==والمزح ماهو بمرضي ناس زعلانه
مغير اروّح بهم في كل عصريه==0==
==0==للبيت ونمتر الاضلاع واركانه
ونحاول نعيش وسط احلام ورديه==0==
==0==مابين غرفة فلان وغرفة فلانه
وان مرنا من جماعتنا الزراويه==0==
==0==لا شافني قال : ذا ضاوي وورعانه
يبغى الفوايد وحول له بحفريه==0==
==0==وقام يتهكم وفيّ يجرب لسانه
طلعت للشمس وانا كنت بالفيّه==0==
==0==وضحك بي اللي يشح بزاد ضيفانه
يا زياد مافي قلوب الناس ماويه==0==
==0==لكن شكواي للمعبود سبحانه==2==