@ أبو العريف اشلونك.. اخبارك.. أوضاعك؟ الازرق وبس، واللي مو عاجبه، يروح يشجع ريال مدريد، يا بعد عمري يا الازرق جبت فيهم العيد، وخليتهم ما ينامون الليل، مساكين يفكرون ان ابتعادك عن المنصات مثل ابتعادهم، ما دروا ان ابتعاد الازرق شهور، وابتعادهم سنين. @ الله اكبر.. يعني تريد تقنعنا انك هلالي؟ ما دام فيه (ابو عبدالله) لاتفرحوا.. (ابو عبدالله) الهلال وليس (ابوعبدالله) النصر.. والجابر عيني عليه باردة ما يظهر الا في وقت الحسم، جايب لكم (الصومرقع) قلت ما قلتم انتهى طز عينكم بمستواه اللي يريح القلب، وفيه التمياط والشلهوب، ترى حتى الثنيان بعده شباب، لكن الله يجازي الظروف. @ ابو العريف اسكت تراك قهرتني، وطلعت القرون من راسي، ما اقدر استحملك؟ * هذا انتم.. دايم شعاركم القهر وحنا محبين الازرق شعارنا الفرح.. ومسح دمعة اليتيم الذي يحتاج لبطولة واحدة، وانا سأقترح على الهلاليين ان يعطوكم صدقة وهي عبارة عن بطولة قادمة ويهدونها اليكم لانكم بصراحة صرتم اي كلام يا عبدالسلام. @ ابو العريف حاول تمسك لسانك، لا اقوم لك، واسوي لك العجب؟ * يعني مثل ما سوى سامي لما نزل الملعب، وحرك الملعب، وساهم في فوز الازرق.. @ شاطر يابو العريف اعرفك تجامل وتنافق، والهلال حار قلبك. * يعني انتم اذا قال الواحد الحق قلتوا عنه منافق، ومجامل، ما اشوف لما نمدح الاتحاد او الاهلي او النصر تقولون مثل هذي المصطلحات (منافق ومجامل) اتراي الهلال جايب فيكم العيد. @ ابو العريف تراك تلعب بالنار والدوري بيجر كلام آخر؟ * يا ابن الحلال في كل بطولة تقولون ان الزعيم (محلك سر) وتالي ما تشوفون الازرق في المقدمة.. صحيح ما لها الا هلالها. @ اعرف ان هناك في الناس متلونين، بس مثل تلونك با بو العريف ما شفت. موت قهر، الهلال بدر وزعيم وبطل، والهلال زعيم الزعماء، ومين قدره (38) بطولة انصح الذين لا يحبون الهلال بوضع حبوب البنادول دائما في سياراتهم او مكاتبهم، او منازلهم، ما لكم الا وجع الراس، وأيضا تعب الاحساس..
