طاح كرتك !!

خلاص كرتك طاح..ماعاد لي فيه
... ...عقب انتصارك في حياتي خسرتي
رحتي وانا ساكت ولا قلت لك ليه؟
... ...لاني اعرفك لا زعلتي و غرتي
جار الزمان وقلبي الهم طاويه
... ...الموت لا جار الزمن..ثم جرتي
لحظه اسمعيني هو بقى شيء ناسيه؟
... ...ماطاح كرتك صدق..لو طاح كرتي
أقسم بربي ..كل مافيك شاريه
... ...طبعٍ ملكتي..او طبوع أستعرتي
مدري وش اللي في ضلوعي دفنتيه
... ...شيٍ يسيّرني على اللي أمرتي
يا غاليه..يا اغلى من العين ..ياهيه
... ...قولي متى لحنيّن القلب زرتي؟
دربك خوي دربي..و دربي يباريه
... ...وفجأة كذا..كنك من الدرب طرتي!!
كنتي معي واقع ولا اقدر أخليه
... ...والفرق واضح..بين( كنتي) و( صرتي)
حفّظتك أبياتي..وشعري حفظتيه
... ...وسمعت لك شوقي و قلبي..ذكرتي؟؟
من اوله..عمري الى حد تاليه
... ...ماأقول انك في عيوني صغرتي
شريان كفي..نبض صدري..محانيه
... ...في كل شيء يخص دمي..حضرتي
بس احفظي هالعلم عني و قوليه
... ...لأي بنت ان كان جيتي.و شرتي
لا طاح كرتك..واعتذرتي..وشلتيه
... ...تراك بعيون الاوادم..كبرتي!!