صادق واحبك

صادق .. واحبك .. ولكن أنت كذبني
ما دام تجحد غلاي .. وتغري أشعاري
قل لليالي.. بهجرك ويش تطلبني
وهي الذي علقت في حبك اقماري
ما شاب قاف القصيد .. وفيك شيبني
الحب .. والبعد وشكوكك حطب ناري
أغفى .. وأشوف الفراق المر.. يرعبني
وألقاك بين الضلوع .. توزن أوتاري
واقطع حبال .. علي الفرقا .. تجاذبني
لي صار هذا الغرام.. وهذي أقداري
وأمد ليل السهر.. وأقول عاتبني
ان ما تلحف صباحك.. وادلج الساري
ما دام .. كل الدروب.. اللي تقربني
تزرع بها الشوك.. وتهدم لي ابياري
كنك على كثر .. ما احتاجك محاربني
وانا لك مدين.. ومسلم لك إقراري
لاني براضي.. ولا أحد فيك غاصبني
وتغيب .. ما كن لي في خاطرك طاري
تنسى..ولا أنسى.. وقلبي معك متعبني
واهيجنك في قصيدي .. وأطلبك ثاري
إن كان يرضيك فقدي.. وأنت كاسبني
تبا أتمنى لسمعك.. تاصل اخباري
وليا مسحت المنام.. وصرت تكتبني
يمكن أبيع الغلا .. يوم أنت له شاري