عين الريم

قالت : قصيدك .. هم قلبي يسليه
........يا محقق للقلب .. غاية مراده
والقدس يعطي.. يا عيوني لباريه
........وانته بريت الحال .. مثل القراده
قلت : السهر والهم تكفين خليه
........ليه أنا .. والشعر .. سكر زيادة
وآهات جرح الضيم .. يا اعظم معانيه
........لوعة غريب .. لا .. تذكر بلاده
في صوتك المبحوح تزرع امانيه
........في دمع عين الريم .. اعظم جلاده
تقرأ الوهم .. وأقول .. ماني بقاريه
........يمكن ذكي .. لاشك .. ما هي بلاده
طاح الغمام .. وقلت هاذي حراويه
........ناح الحمام .. وصرت للحزن عاده
واسمع ضياع الحلم فيني يناديه
........قم .. أنت يا رجف المحاني وناده
والا قصيدي هم .. ما نيب ناسيه
........لو إن مالي منه أي استفادة