من محجر العين طاحت

من جورها فرصة عمر يوم شارق
ابنتهزها واشكر اللي اتاحت
دام الغلا لامن طلع راح مارق
طواري الرجعة عن البال زاحت
نجيت من بحر به الغير غارق
والنفس من هم الغرام استراحت
هجري لها رمح على القلب زراق
ولا نيب سامع صوتها كان صاحت
عن جرحها، جرحي من الضيم فارق
ولا حست إلا حين جست وناحت!
يعج شوقي يوم الانكار حارق
ما شمت أطياب الوله يوم فاحت؟
يوم الغلا بالقلب والعين بارق
ما شفتها في برقها لي لاحت
لا ينظر من يقفل الباب طارق
أشواقه اللي جابته، منه راحت
أنا وعدت وسهم الأفعال خارق
لو أن دمعتها على الخد ساحت
هان الوداع، وحان دور المفارق
قولوا لها: من محجر العين طاحت
فيصل بن سبيّل