ترف صوتك

يا حمامه فوق غصن الشوق من يومين ناحت
ما بقى لي من غلا الاحباب غيرك يا حمامه
هاك قلبٍ منجرح في جوف نفسٍ ما استراحت
ما يبون من السنين التالية غير السلامه
جابك الّله بسمةٍ للحزن في صدفه واتاحت
فرصةٍ للعمر لو ضاعت.! بدا عمر الملامه
سولفي لي من ترف صوتك دلال الشوق فاحت
كن سمعي ضيف ولسانك يقهويه بكلامه
ضحكتك تنسيني جروحٍ من الوقت استباحت
كلّ عرقٍ من عروقي واتركت فيني علامه
ما يلوم الدمعه اللي من عيون العزّ طاحت
غير من لا قدر لدموعه! ولا عنده كرامه
احفظي كل السدود اللي عشان رضاك باحت
وأوعدك لا احفظك واحفظ حبّك ليوم القيامه
لو بروق البعد في وادي جفا الاحباب لاحت
ما يموت الحب فقلوبٍ مشاعرها غمامه