صدر الغياب

على صدر الغياب ودمعة الفرقى وضيق البال
ذبلت ومات عشقك من حشاي وطحت من عيني
حبيبي من رحلتم ما عرفت اقول كيف الحال
رغم كثر الوجيه اللي لفت بعدك تواسيني
حنينك ذكرياتك عذب شوقك وقفة الاطلال
وطيف احلامك اللي باقي فيني يسليني
تذكر يوم كنا من فرحنا نرسم الآمال
ونتقاسم سوالف حبنا ما بينك وبيني
صحيح ان الفراق احيان قادر يكسر الرجال
ويبعثر كل خطوه في حياته يا معنيني
ولكن لو نزف سيل الدموع وكل عمر طال
مصير الصبح يشرق من جديد وتزهر اسنيني
حبيبي وش بقى لك في حنايا خافقي تغتال
بعد ما اشعلت جمر جروح هجرك في شراييني
فمان الله يا حلم غدا هم وسراب اللال
ترجل من قصى قلبي الحزين وطاح من عيني