يا ليتك ما رحلت

حبيبي والوصل عهدٍ قديم بغربة الأحباب
جديده فالغياب اللي جرحنا مايسلينا
تعودنا على نزف الجروح وجرحنا ماطاب
تأ ملنا تر جينا تألمنا وعانينا
نحاول نسرق اللقيا.. طعنّاهالغياب بناب
شفى جرح الغياب ولاشفى جرح الوصل فينا
مشيت ولا بقى عقبك كلام ولا حديث اصحاب
ماغيراشعاري اللي وثقت لحظات ماضينا
ياليتك مارحلت ولاحسبنا للعذول إحساب
يا ليتك بس ما تنفع يا ليت ولا تداوينا
لك الله والقصيد اللي كتبته منحفظ بكتاب
مدامه للحزن لاتفتش أسراره ويبكينا
كتبته والسهر كحل العيون وخافقي قد ذاب
كثرمااشتاق لك قد الغياب اللي يعنينا
أظن انك قريب.. وظن من تبغى وصالك خاب
لا شفت الشمس غابت ما ذكرت إلا ايادينا
بيومٍ به توادعنا ولبّسنا للفراق ثياب
ياثوب من الحزن وشلون تغرق بك موانينا
تعب كل الشعور اللي نزفته والزمن كذاب
ألم حتى الآلم عيا الآلم ينسى خطاوينا
أمانينا الكثيرة لفها حبل المحال وشاب
أملنا من كثر ماسرمدت حتى ليالينا
لو إنا ننتصر قدم الظروف وننتصر باسهاب
على صدق المحبة ماغفت فينا أمانينا
لكنّا شمعتين لاطفن من حفنتين اتراب
غدن مثل الرماد ولا بقى شيٍ يضّوينا
- قوت القلوب