غلطة صواب

علمتني ليلة الحزن ما أفرح بالغياب
لو يغيب اللي بغيته عن عيوني يغيب
يا حبيبي.. ما بعد غربة الحب اغتراب
من غلاك جروح فرقاك.. ما ودي تطيب
تدري أنه ما بقالي بعدك الا العذاب
الأمل من غاب نورك غدا وجهه كئيب
ما حسبت ليوم فرقاك يا عمري حساب
والله إني أحسب الشوق عمره ما يشيب
ما تصورت الحبايب.. يفرقهم عتاب
وما تصور يا حبيبي.. يجي بعدك حبيب
كل غلطة غير غلطة تجافينا.. صواب
وكل بعد غير بعدك عن عيوني.. قريب
يا صدوق الوعد.. صارت مواعيدك سراب
دربنا واحد وفرق خطاوينا النصيب
ما سألتك عن شعورك وأنا أشوف الجواب
عاشقك بعد الجفا.. صار بعيونك غريب
القمر لو غاب.. ما غابت بروق السحاب
وأنت في قلبي وعيني تغيب أو ما تغيب
- سعد آل سعود (منادي)