بقايا الحب

هنا هنا ما تشوفني وين آشر
هنا بقايا الحب مدري بقاياك
هنا تعال الوضع جدًّا مؤثر
أنا حزين ومنكسر من سوياك
وإن جت على التكسير براحتك كسر
القلب من شرقه لغربه فداياك
سو العجب فيني معي لا تقصر
وأبأعتبر طعنات حبك هداياك
خرب وفجّر في خفوقي ودمر
الحرب حربك والسبايا سباياك
وما أبيك لا ذابت عروقي تبرر
أهم حاجة يا حبيبي نواياك
تحبني وتقول فيني تفكر
حرام ما مر الغلا في حناياك
الو ضع صعب وما أدري إشلون أعبر
‎ تحبني وتحرم عيوني حلاياك
تعبت أقيس الوضع أصغر أكبر
وألقاني أعشق فيك حتى خطاياك
تدري حبيبي ليه أقلل وأكثر
وحشتني عيونك وضحكة شفاياك
وأهم حاجه تشوفني وين آشر
آشر على قلبٍ ذبل من سوياك