ذكرى تطل بوجهها في كل عام

مشاعر الشعراء تفيض حباً في يوم الوطن

الليله الديره مشاعل نور والصحرا مدن
توشحت باللون اﻻخضر واكتست بالوانها
كل الدروب منين ماسارت تغني للوطن
كنها تردد مع طوابير الصباح الحانها
ذكرى تطل بوجهها في كل عام من الزمن
وتجدد احساس الوﻻ للارض في انسانها
يوم شهد فينا وفاة الجهل واحياء السنن
واطلاله الفجر ونهايات الظلم واحزانها
يوم ملا الدنيا سرور وطاح فيه امية وثن
وطاعت لبوتركي وثبتها على سيسانها
من يوم وردها مشارب هيت وثيابه كفن
والعز قدام الركايب والسعد بوزانها
وﻻصحا ليل الرياض اﻻ على صوت الطعن
في ليلة زرق الرماح مشرعن بيبانها
لين انثنت له واعطته بيدينها حبل الرسن
معشوقة لدت لعاشقها سواد اعيانها
جاها وهي تشكي العرا والجوع ودموع الغبن
وﻻ تركها اﻻ وهي غيدا تموح اردانها
واليوم ابومتعب لها السد المنيع من الفتن
وعيونه الثنتين سورن من ورا حدانها
ياحي والله هالحجاج اللي نشد اله الظعن
ﻻضاقت الايام فينا وعقدت حجانها
نلقا طرف بشته ذرا واطراف كرسيه سكن
وصدره وطن ﻻضاقت الدنيا على سكانها
كان الوﻻ ماهوب له واﻻ الوﻻ فينا لمن
ﻻ والله اﻻ بيعة تبطي وهي مكانها
حنانشوف اكثر شعوب اﻻرض غادرها اﻻمن
وفي كل يوم مجنن العالم يزيد جنانها
وان كان ماخذنا دروس من السنين اللي مضن
واﻻ خذتنا غفلة الدنيا على ذرعانها
وانما تقيد نعمتك بالشكر تلقاها غدن
والايجيلك يوم يفلت من يديك عنانها
اليوم حنا في سعة رزق وصحارينا مدن
الله بنصر دارا بومتعب على عدوانها...
دلمخ بن مشعي السبيعي