كان كاتب اللغز الماضي الشاعر أحمد بن فهد الصميت ويقول: أنشدك عن ورعٍ ملازم لأمه تبدأ حياته يوم ياخذ منها.. ولا ينفع إلا لين يمشي دمه وإن قال كلمة خطوته تضمنها.. وقد توصل للحل شعرا: حي الله اللي دايماً بالقمه ومعناه جيد والمعان احسنها عرفت حل اللغز قالو سمه هو القلم والمحبره ضامنها عجايب الحربي -القصيم هذا (القلم) والمحبرة هي أمه ما يكتب إلا لاشرب له منها حبرٍ تدون به مآثر أمه وكتبْ كثيرة مع قصص يعلنها عبداللطيف الحُمَيَّانِي - عنيزة الورع قلنا لك قلم هذا اسمه والمحبره امه ويرضع منها كم من معلم فوق صدره ضمه والكلمة اللي خطها يازنها سعد صنهات السهلي - الدرعية هذا القلم والناس به مهتمه والمحبره ياخذ شرابه منها ياكثر من هو وسط جيبه ضمه والى كتب له حاجة ضمنها محمد ابو دحيم - البدايع هذا القلم بين الأصابع ضمه وأمه دواة الحبر يامحسنها ينزل على راسه بوسط الجمه مرافق امه لين يقضي منها احمد بن ناصر المحرج - الرياض البنت جبناها بليا عمه والا الولد معروف ما له عنها هو القلم يغطس بوسط الجمة ومن الدواة الحبر دمه منها سالم البشري - الجبيل سلام اطول من شعيب الرمه واحلى تحيه مجهزها ووازنها هو القلم والحبر دمه دمه شوفه بمخبات الرجل يسكنها علي الرشيد - رياض الخبراء احلى تحية تجيك لك ملتمه اجيب ردي بالعجل وازنها هذا قلم حبر ياخذ من امه دمه كم كلمة على الورق يعلنها طلال الرشيد - الجبيل لغز الأسبوع يكتبه هذا الاسبوع الشاعر احمد المحرج من الرياض ويقول: انشدك عن بنت تخاوي رجاجيل في ماضي الايام ماهو بذا الحين بنت بها ميزات من جيل وجيل ترفع عزوم رجال للعسر ضارين تمشي معاهم لا مشو عل او ميل مصيرها معهم على الزين والشين نستقبل الحلول على البريد الالكتروني [email protected] أو الفاكس 014871070 كما نرحب بطرح الألغاز الجيدة وننوه بعدم المشاركة الازدواجية بين اللغز وصوت الصورة واختيار احدى الزاوتين.
