عواكيس

الى معوكس المحترم: لاحظت كما لاحظ غيري من المشاهدين ان بعض اللاعبين مصرين على قصة القزع المقززة وهم في المعسكر في اسبانيا، اين ادارة المنتخب منهم.. ومن المسؤول، وليش المنتخب معسكر واللاعبين في اجازه بعد موسم طويل وشاق ولا يوجد استحقاقات قريبة؟
معاذ الحميد
- مرات
-حلوة من المسؤول أن عرفته علمنا يا بوحميد!
* الحبيب معوكس وش قصة البيانات نشوفها هالايام سوقها قائم، وهل تراها ضرورة ملحة أهم من العمل بصمت؟
عبدالله العامر- الرياض
-انا مايضحكني الا صياغتها اما مضمونها فالله يخلف على أهلها!
* الصديق العزيز ابو العواكيس.. كيف رأيت معسكر المنتخب السعودي في اسبانيا.. عساك متفائل؟
راشد الدوسري- الخبر
- ماحصلها الا المدرب متكي عند اهله وفالها من استراحة لاستراحة!
* تحياتي يامعوكس نشوف بعض رؤساء الاندية حدهم التصوير مع البطل، ليش مايشتغلون ويطورون انديتهم ويفرحون ويصورون معها؟
خالد الرشيد- الدمام
-كلن وطموحه وبعذر انديتهم لو دحدرت!
* الاستاذ معوكس بحكم خبرتك وقراءتك الزينة للاحداث، متى شفت ان الوضع مايطمن في بعض الاندية؟
يوسف الخالدي- الرياض
-من شفت المقربين من الاعلاميين وانا غاسل يدي!
* اجمل تحية لك يامعوكس متى نشوفك ترأس أحد الاندية وتقدح من رأسك من دون ان يكون هناك قدح وذم ضدك؟
بدر العبدالله- تبوك
-القادح واحد ومايتكرر وياهو ضغط بعض الناس اللي بيحتفلون بروحته!
* تحياتي يامعوكس ظنك فيه أمل نشوف الميزانيات المفتوحة لبعض الاندية؟
محمد احمد - جدة
- ولا أمل ولاحصة ورقية!
* الاستاذ معوكس ماهي توقعاتك للموسم المقبل.. وهل هناك بوادر دفع جديدة نحو المقدمة لبعض الفرق؟
بندر العصاي-عنيزة
-ان حلت بعض اللجان تفككت الكفرات وخرب الدفع وخبط!
* البروفسور معوكس توقعناك مع المنتخب تغطي اخباره في البراد والاجواء الزينة وفجأة عرفنا انك مارحت بعيد.. ليش ماعندك واسطة؟
سعد الشهراني- خميس مشيط
-لا واسطة ولا اخو ولا ابن عم!
* اهلا وسهلا يامعوكس وصباح الخير.. متى تصير مدرب وتكون المدام هي مديرة اعمالك.. شكلك رايح تأخذ الشرط الجزائي مقدما؟
عبدالعزيز العمر- الجوف
- اما مديرة اعمالي انت فاكرها مصارعة هذي ملايين ان شافتها ضفتها وداخت من الفرحة!
*خفيف الدم الظريف جدا ابوالعواكيس تحية طيبة وبعد: ياستاذنا الكبير وش ذا اللي حاصل في بعض الفرق معقولة الى ذا الدرجة فعلا بعض الناس مالهم أمان؟
احمد الحمد - بريدة
-خايف يقولون له بأمان الله
*قاهرهم وحابس دمهم معوكس تحية وبعد: يقول عميد.. أن جماهير فريقة لاهم لهم الا متابعة المدرب الجماهيري وانت وش تقول؟
على السالم-الشفاء
-وهو لا هم له الا متابعة المدرب والفريق من خمسين سنة!
*الغالي معوكس تحية محبة خاصة لك وبعد: ودي أعرف كيف حصلت على شهرتك وشعبيتك معقولة ماحد غار منك وسوى اجتماع وازاحك ولو يابوالعواكيس اسمح لي شكل واسطتك قوية ماشاء الله ربي يحرسك من العين؟
عاشقة الموج الازرق
-من العين والسد!
*الناقد الكبير معوكس تحية طيبة وبعد: اذا كان بعض المحسوبين على الاعلام واللي رشحوا انفسهم لرئاسة احد الاندية بصوت واحد انطردوا يقول ان المدرب الكبير سامي الجابر من صنع الاعلام اجل هو صنع من؟
نواف الصيخان-حي الفلاح
-صنع السمسمية!
*صاحب المليون رسالة ابو العواكيس ليش بعض الناس قلب على المدرب وهاجمه كان ودي يكون دبلوماسي ويحفظ الود.
عبدالعزيز السعد-الشفاء
-انا واخوي على المدرب!