اللغز

كان كاتب اللغز الماضي معد الزاوية ويقول:
ياويش رجال ضلوعه محاديب
له مسكن في راس بنت شهيره
يشرب ولا ياكل ولا يعرف العيب
صمام امان عن الامور الخطيره
وقد توصل للحل شعراً:
لغزٍ قريته ناظمه شاعرٍ ذيب
عادي فخرنا يالله انك تجيره
(بلف الحرارة)ينفتح باللواهيب
ومكينة الموتر يبرد سعيره
احمد بن ناصر المحرج-الرياض
شوف الرمالي قال فلغز وش قال
يقول رجالً ضلوعه كثيره
البلف هذا رمعتي جت على البال
ظنيت هذا البلف مافيه غيره
سعد صنهات السهلي- الدرعية
حييت ياعادي ومليون ترحيب
اللغز وافي فكرته وتعبيره
الحل بلف عايش باللواهيب
وسط المكينة جلسته مستديره
علي رشيد الرشيد-رياض الخبراء
ابشر بحل اللغز ياراعي الطيب
بلف الحرارة والمكينة خطيرة
يالله عساي برمعة اللغز ماخيب
وان كان ماجبناه بالأمر خيره
محمد ابودحيم - البدائع
ياللي بنيت اللغز ساسك على الطيب
اسم الفخر والطيب في كل ديرة
اللغز واضح بين فك وتركيب
بلف الحرارة والمكينة تديرة
عبد المحسن المحيسن- رياض الخبراء
لغز الأسبوع
يكتبه هذا اليوم الشاعر سالم البشري من الجبيل ويقول:
شفت رجال حوَل لاحقٍ له غريق
احسبه ينقذه واثره يبي يذبحه
والعداوه مديمه واخويا بالطريق
والطياره سليمه والبلا الاجنحه
نستقبل الحلول على البريد الالكتروني
rb-khozama@alriyadh.com
أو الفاكس 014871070
كما نرحب بطرح الألغاز الجيدة وننوه بعدم المشاركة الازدواجية بين اللغز وصوت الصورة واختيار احدى الزاويتين.