ترى الكما ياللي تدوّر مكانه حول النبات اللي يسمى برقروق احرص على اللي مرتفع عن طمانه هو والزبيدي بينهم حد وفروق محمد فهد الجلعود - سميراء السيل جانا كثيراً وشفناه وقتٍ لفانا ربّعت كل الأوطان وشفنا الفقع بأنحا البلاد وجنيناه من كثرت الخيرات والكل فرحان الحمد للمعبود ربٍّ عطاناه ذي نعمةٍ والشكر واجب يالاخوان محمد عبدالعزيز الخنيفر - أشيقر في عامنا الحاضر توالت الأمطار والأرض زانت جالها زود مرباع عامٍ من الخيرات في كل الأقطار من الوسم والخير جاري ومرثاع وتخالط النوّار في زهره أعطار حتى الزبيدي صار يلمس بالاصباع حمد عبدالله الوايلي - حوطة سدير صورة العدد السابق شوّقني جني الفقع في مجانيه في روضةٍ ما قبلي أحدٍ وطاها خطرٍ على قلبي وهو في محانيه لا شاف نبته باينٍ من خفاها أهل البراري تعرفه من معانيه يمشي وعينه شوفته هو مناها عثمان الرشيد – الرياض من فضل ربّي تشوف الخير والفقع طالع بأراضينا حنّا هل العز.. وأهل الخير بالجود محدٍ يبارينا عبدالكريم عبدالرحمن السلّوم - القرائن شف الأراضي مشققة معلناً فيه خلاصٍ من الوسمي شرب موية أمطار كمأة ومصدر رزق للي بيجنيه كيس الزبيدي يعادله ألف دولار لابه تكلّف ولا معدات تشريه كله محش وتنبش الأرض الاظفار سعود عبدالعزيز الهزاع - نعام أقبل ربيع الأرض مع حزّة الفقع وثلاث أصابع بالوطى يجمعنه في موطنٍ بالأرض هو أطهر البقع وخيره ونهجه سرّ يا سائلٍ عنه سعود عائش الحربي - القاهرة الخير جانا وعم الدار وكثر الفقع وسط ابلادي واليوم في أرضها تحتار لبلادنا الكل يرتادي ثم أبتدا الشعر والشعار وكلٍ على الطيب وينادي ريان محمد الخنيفر - الرياض نستقبل مشاركاتكم على إيميل الخزامى: [email protected] أو الفاكس رقم: 0114871070 ونرحب بمشاركاتكم الشعرية وما تلتقطه عدساتكم من الصور الهادفة والطريفة ..
