اجعل له الفردوس.. مرتع ومنزال

ترقا لهامات العلا. روح الابطال
وافعالها تبقى .. وهي عند.. باريه
ياقبر جاك اللي.. له اقوال بفعال
ازكي فعاله.. خادم بيوت .. واليه
ياقبر لولا الله. وقدرته.. ما مال
جالك. ولا مثله بعمقك.. نواريه
لاشك حنا.. مؤمنين.. بالاجال
لو بالمنى ياقبر.. بالروح. نفديه
هذا.. زعيم العرب.. للعسر حلال
اللي.. شواهيق الوطن. من حسانيه
هذا الوطن. كله نما به.. ويختال
على يده.. بانت شواهق.. مبانيه
بالعلم الايمان.. علا.. ولا زال
شواهد امجاده.. بتبقى .. معانيه
قاد المسيره.. رايد العلم.. بافعال
وعلا بدين..الله.. وعدله مباهيه
هذا الفهد.. لاقال.. تتزاح الاقوال
ويثبت.. صدى قوله.. فعول تماريه
هذا الفهد.. له نخوة.. فعلها طال
يوم.. اخو مريم.. تنصاه ناخيه
اصدر قرار. زلزل الارض. زلزال
لبت عظيمات.. الدول ساع. داعيه
ركع بفعله.. غاشم مارد.. ضال
خلاه.. يشتم الحماد.. ابتراقيه
يالله .. يامنزل تبارك.. والانفال
بجنان خلدك .. يالهي. تجازيه
اجعل له الفردوس.. مرتع ومنزال
واجزاه عن.. الاسلام. . زاكي مساعيه
والحمد لك يارب. في كل الاحوال
ياواحد بالعسر والين. نرجيه
اليوم حنا. بعد ارادتك. في حال
بيعه لبومتعب.. وسلطان ثانيه
لهم من الشعب.. السعودي الاقبال
والسمع والطاعه.. وضدهم نعاديه
وطن.. له العزه.. وحنا.. له رجال
نموت.. من دونه . ونحيا.. لداعيه
عبدالرحمن بن محسن بن حزمي الرويس