يبكي عليك مجمع طباعة القرآن

وداعاً إلي الفردوس يا فارس الفرسان
وداعاً.. شعوب الشرق كله ترددها
وداعاً من الوجدان يا ساكن الوجدان
مقرك قصور وبالحنايا مشيدها
ألا يا دموع الحزن.. زيدي من الأعيان
وهلي وخلي الدم الأحمر روافدها
فقدنا عظيم اعظم من الشعر والقيفان
ولو انها تبكي بفقده شرايدها
وتبكي وتبكي.. والبكا مايفيد الآن
لكن هذه الدنيا وهذي عوايدها
بكينا عقب غيبتك يا مشيد البنيان
وتبكي عليك الدار. واشرف مساجدها
ويبكي عليك مجمع اطباعة القرآن
وخيراتك اللي ما ستطعنا نعددها
وتبكي عليك القدس ويصيح لك لبنان
والأمة غدت مثل اليتيمه يا والدها
ألا يا لزعيم اللي تدوس الخطر لابان
وإلا شاعت الفوضى برايك تركدها
ترد الحقوق حقوق. وترجع الأوطان
وتغني شعوب بجود كفك وتسعدها
بك المجد والتاريخ ياسيدي يزدان
والاحداث في قرن مضى ابرز شواهدها
تخطيت في علم السياسه مدى الأزمان
وتعرف السحايب قبل تسمع رواعدها
حكيم حباك الله بصيره ..وعلم وشان
وكنت المضحي لجل الأمة وقايدها
وداعاً نرددها . وإلى جنة الرحمن
شعوبك على ذاك العهد يامعودها
على الحب والإخلاص بالسر والإعلان
وعهود الوفاء تبقى كما كنت رايدها
بعد ما خلفك برفعة الراية كحيلان
ابو متعب سنينه عسى الله يمددها
ويبقى ذخر للدين والخير للإنسان
ابو الشعب والدار ومنمي مواردها
ابو متعب اللي لا وقف عند كايد هان
بسطوة شرف روس الأفاعي يهودها
عزيز معه نخوة عروبه.. وعمق إيمان
على الخير والمعروف نفسه مجاهدها
تجدد له الميثاق والنيابه سلطان
أمير القلوب أبو الشهامه وسيدها
لهم نعلن البيعه مع المسك والريحان
تحية وفاء والبيعه إلهم نجددها
ويبقى السعودي في سلامه مثل ما كان
وتبقى السعودية واهلها سواعدها
تحت ظل قادتنا. أبو متعب وسلطان
دعانا من الوالي: خطاهم يسددها