بتبكيك مكة يا فهد والمدينة

تبكيك مكة يافهد والمدينة
وتبكيك كل المملكة والمحبين
خدام للبيتين ومعمرينه
حنا فهد والفهد منا سلاطين
نهضة شمول وكلنا شايفينه
والكل شافه من بعيد وقريبين
طباعة المصحف سمه في جبينه
واغاثة الملهوف بكل الميادين
هم العروبه حل ياعارفينه
في قلب فهد الدين يمشي به سنين
السيرة العطره تخطه يمينه
بين الكويت وبين نصرة فلسطين
ولبنان يوم الناس ثكلى حزينه
والنار ترعى فيه مابه مطفين
فهد العروبه مارضى بالغبينه
اطفى جحيم المعركه واصلح البين
راعي الهبات الوافيه والسمينه
يمينه البيضا على كل حيين
مرحوم ياليث تحامى عرينه
ساس الامور بحكمة الحزن واللين
الشعب يذكرها مواقف رزينه
مرت ولا ضرت على الدار شبرين
اهوال وحروب وخراب وضغينه
صد الفهد غارتها واسهر العين
ياما وياما نام شعبه وعينه
ما خطرفة للنوم عدل الموازين
جزاه عنا خير قاد السفينه
رست بمان الله على العدل والزين
يبحربها فرسان تحمى الضعينه
ساس ا لوفا سقم المعادين جسورين
عبدالله وسلطان دروع حصينه
الشعب كله بايعوهم مطيعين
خير خلف خير السلف خابرينه
على العسر واللين ساسه وظفرين
كاس المروه والوفى شاربينه
من كف ابو تركي حمى الدار والدين
الحمد الله حكمنا مرتضينه
والشعب اعلن بيعة الحق راضين
الشعب واحد والعلاقة متينه
أيبله الا للقياده موالين
حنا سعوديين ومبايعيه
مانختلف نمشي على العهد وافين
في جو ايماني آثر مقتفينه
سنة نبينا المصطفى يامسلمين
اليا ترجل فارس جاعوينه
السيف سيفه والسياسة حكيمين
لا ماتغير شي والدين دينه
والامر للمعبود أول وهلحين