حييت وجه السعد .. بالحب من قدك الحمدللي.. بكف العافيه.. شالك أنا فدى ضحكة.. تزهى على خدك يالي ملكت القلوب.. بطيب أفعالك خذيت هيبة أبوك.. وخالك وجدك ياما حلا هيبتك.. لاصحت برجالك باقول لك: ياسيدي.. وان كان ما ودك مادام الألقاب تزهى بك.. وتبرى لك والشعر مهما علا معناه.. ما سدك بالطيب انته لنا.. بالحب حنا.. لك ما ينثني عن بلوغ القصد.. مشتدك ومقدر مع كبار الناس.. مرسالك ما ألطفك يا حبيب الشعب.. و أشدك على العدا.. خاب فال اللي تعدوالك والجاهل اللي تخيل حضرته.. ندك يندم على نية عوجا.. نواها.. لك ياخير صار ود الشعب هو ودك من طيب ساسك طروا ناسك على بالك يمين بالله ماياقف حد ضدك مادام ذا منهجك دايم ومنوالك يامنهل ياراد الضامي على عدك يا فزعة الشاكي المضيوم لاجا.. لك انا دخيلك ولابي شك.. في ردك لفحني القيظ.. واستذريت.. بظلالك نخيت فيك الكرم.. متحريٍ.. مدك بعد الولي.. كل فضل بي.. من أفضالك جار الزمن.. والزمن لاجار بك.. هدك وانا تزبنت.. من جور الزمن.. جالك أعدك الغيث.. لا والله.. ما أعدك الغيث قطرة ندا.. ببحور.. منهالك
