يالله يامعبود يارب اعنا على فراق الحاكم اللي فقدناه ارحم عيون لجل فقده بكنا يالخالق المعبود ياعالي الجاه ارحم شعوب من فراقه تونا تبكي على فقده وتحزن لفرقاه يارب في وسط النعيم يتهنا يارب انا طالبك بالخير تجزاه جازه بخير ورحمة منك عنا واجعل جنان الخلد داره ومثواه اله الدعا مع صادق الود منا عساك ياربي من النار تحماه عساه بالفردوس دايم يهنا وعساه من حوض النبي يرتشف ماه اللي ضحى الاثنين فارق ضعنا وجتنا الملوك بعالي الصوت تنعاه فهد العروبة نادراً في زمنا مافيه مثله مالقينا حلاياه سيد ملوك الارض حامي وطنا حامي حمى الإسلام والدين بإيداه ياما سعى بالخير ياما تعنا ياما عطا الإسلام واجزل عطاياه رمح على الظالم سليطن يسنا غيث على المحتاج لاجاه يلقاه سقم المعادي سعد منهو زبنا ماخاب من جا قاصده يطلب حماه كم عالي قدام رجله تدنا وكم حاكم عنده يجي يطلب رضاه باني حضارتنا بجهد وفنا بسياسته سدنا على من عرفناه رحل من الدنيا وبعده بقنا اعماله اللي خلده طيب ذكراه له في سويدا القلب قدر يكنا شعبه مع الايام ماراح ينساه والحاكم اللي بالمحبه مكنا اخوه ابو متعب على خط ممشاه الفارس اللي لارحى الحرب دنا داس المخاطر مايحسب لعقباه الطيب تحته عند رجله تثنا والخير والمعرف ندا بيمناه اله الولا والحب والطوع منا نمشي تحت امره على ماتمناه الشعب يمشي له على ما تنما جينا نبايع بالولا ماذخرناه قولو معي آمين يارب اعنا على فراق الحاكم اللي فقدناه عبدالله مرزوق المرشدي العتيبي
