شال هم العروبة

غاب راس الملك ونته ملكنا بدالة
نفس كل الفعول ونفس كل المزايا
رحمة الله على من شد عنا رحاله
والبقاء فيك يالنادر عديم الحلايا
نعلن البيعه ونصدق بحمل الرساله
يابو متعب كفاك الله شرور المنايا
ياملكنا زعيم العرب رجل العداله
بالشموخ الكبير وبالفعول الرهايا
ياملكنا ماجات المرجلة بالسهاله
الرجولة من الله للنشاما عطايا
أنت من شال حمل المملكة ورتكاله
ونته تدير دفتها وكل القضايا
يا سلالة معزي نعم ذيك السلالة
ابن من طاوعت له فوق شهب المطايا
أنت ياخادم البيتين رجل الشكالة
تاج للمملكة من مدنها والقرايا
شعبك يحبك امسوي به أكبر جماله
لا مشاكل مابين أشعوبك ولا خطايا
صفنا ملتحم بقيادته في وصاله
من يزعزع بنا سقنا عليه السرايا
نفتخر بالزعيم اللي يظل ظلاله
عاهلاً فيه عطف ولطف كل الرعايا
ما تعلم يمينه ما تمده شماله
سيدي مودع الفقر ايديهم ملايا
شال هم العروبه مابعد ضاق باله
أصلح وعدل وسوا كثير السوايا
أبو متعب قمرنا كاملاً في كماله
الله أهداه حكم الشعب جزل الهدايا
أبو متعب ترى الشعب السعودي عياله
ساعت السلم ولا وقت بيح الخفايا
إيه أبونا ونفخر به ليا جاء مجاله
سالم من العيوب وسالم من الرزايا
له مكانه نبيع أحوالنا دون حاله
المليك المفداء بالعلوم الرهايا
من وفا له وفا له والردي ما ارتخاله
العشا من احجاجه قدح نار وشظايا
ياصدوقاً بعلمه لارتجل برتجاله
نيتك سيدي تبطل جميع النوايا