صديق حافظ عهد الصداقه

رثاء للمغفور له بإذن الله محسن بن فيصل بن شريم العصيمي..
تعالوا وسعوا صدري تراني
من الساعة ثلاث السبت اعاني
ليا من جال محسن في خيالي
هجرت الصبر واطلقت العناني
بدمع ينحدر من موق عيني
على وجه قد أبلاه الزماني
بكا الشايب من اصعب ما يصيبه
ولكن وقتي الغادر رماني
بفرقا طيب طيبه طبيعي
يعرف الهزل وجزال المعاني
صديق حافظ عهد الصداقة
ليا من قلت له وين انت جاني
وليا جا لازمه فالحال جيته
كذا حال الوفا بين الاخواني
الا يالله يا جزل العطايا
اسالك يالكريم المرحماني
عسى محسن من المجموعة اللي
من الدنيا على خضر الجناني
تفكه من سؤال ما يعرفه
وتجزاه الحساني بالحساني
لأنه تبذل المعروف كفه
ليا من شح بالمد الهداني