زعيم مامثله

بسم العلي ندعي ونسجد ونرجيه
علام ما بالغيب هازم هل الفيل
المستمع لدعوة اللي يناجيه
الشافي العلام خلاق ذا الجيل
الخالق المنان نرجي حسانيه
المستجيب لدعوة العبد بالليل
يا رب نرجو خادم البيت تشفيه
يامنزل القرآن وكتاب الإنجيل
زعيم ما مثله زعيمن يحاليه
له هامة تعلوا مع الجدي وسهيل
اليا التطم راين براين فصل فيه
حلال مايفتل وفتال حلحيل
خسران منهو بالزعامه يماريه
تسطر أفعاله لجيل بعد جيل
زبن الدخيل اللي خصيمه مجليه
عون المشرد والذي صابه الميل
يوم انتخا ثم قال قول وفافيه
ابشر بدارك يازعيم المشاكيل
والمعتدي رده وتبت أياديه
من فعل أبوفيصل تراخى به الحيل
يحكم بشرع الله وطبق معانيه
حكم من التنزيل مافيه تضليل
والطيب هو شامخ بعالي معاليه
وهبه من العالي منشي المخاييل
والجود اله صفه ويمناه تعطيه
كم من رهينن شال عن كاهله شيل
مشعل فهد بن موطان