الزعيم

أبطال ساروا واعتلوا قمة سهيل
بهمة رجال ما تعرف النصايف
بهلال تسبق شهرته سرعة الخيل
حي الظهيرة مولده والعطايف
أسس كيان المجد واضوى القناديل
ابن سعيد اللي تحدى النكايف
وتعاقبوه أجيال جيل ورى جيل
ريس ولاعب عارفين الوظايف
واعضاء شرف هم من نشامى الرجاجيل
محد بخل بالمال والكل شايف
ومليون رحمة باسم منشي المخاييل
لك يا ملكنا سعود سكنى الترايف
أمن الأولمبي بدل الاسم تبديل
بهلال تهتف له جميع الشفايف
ويا محمد الفيصل يا نفح المعاميل
لا يا خلف من جا لخير السلايف
وجهك علينا خير من غير تدليل
اسمك ورسمك بالقلوب امتلايف
واقول للي مثل اللون تماثيل
يشهد لنا التاريخ بأغلي الولايف
هذا هلال المجد صعب المناويل
معروف والله دون عرف وعرايف
يطرب جماهيره بفن ومواويل
قول وفعل ما هي مزوح وطرايف
زعيم واكبر من جميع التفاصيل
من حب غيره عاش عمره عجايف
ازرق بطولاته علنيا مظاليل
تحققت بعزومكم بالسنايف
حار الخصم منها وشاف التهاويل
من قابله يرجع يجر الكسايف