الجفا ما هقيته

شاعر وقصيدة

الشاعر سيف بن مهنا السهلي من شعراء الوطن المبدعين، يمتلك موهبة شعرية قوية استطاع من خلالها أن يكتب أجمل الكلمات العذبة والمشوّقة، أشعاره مليئة بالأحاسيس الصادقة وجمال البوح وروعة التصوير .
وقد كتب شاعرنا السهلي العديد من القصائد الجميلة التي تحمل المعان السامية، والأهداف النبيلة، والبوح الصادق منها هذه القصيدة:
ماعاد به شي يخفى وأخفيه
ولافيه شي ينحكى ما حكيته
خلاص ما ينفع عتاب ومشاريه
ما دام ظني فيك يامن هويته
مثل السحاب اللي تقافت مناشيه
عيني تتوق البارقه ما رتويته
والحزن لو بانت بوجهي مواريه
لا ضاق به صدري لربي شكيته
عساه يجبر قلبي اللي هجرتيه
مثل السجين بوسط صدري حويته
يا هاجره من شان ما فات مريه
هذا رجا وانا الجفا ما هقيته
مريه بحساسك وهدي وشوفيه
شوفي مكان الشوق وأركون بيته
وشوفي حنين الود يشكي لماضيه
وهذاك نبت مات لك ما سقيته
وشوفي هيال القصر عاليه واطيه
تهايل اركونه بعد ما بنيته
ذاك الكيان اللي مشيّد وأمانيه
بعدك سكنه الهم وأنا رضيته
وغصبٍ عليّ أرضى وبقولك ليه
لأني تمنيت الوفا ما لقيته
وأنا ادري البعد للحي ينسيه
ومعاد ينفعني رجا لو رجيبه
وللحب جمر تو ما ذقت صاليه
يا ليتي في دربكم ماوطيته
أدراه في نفسي وأكنّه وأخفيه
لكن يفضحني وأنا ما قويته